"Me bryr oss" er slagordet til skulen
Me som jobbar her på skulen brenn for det ærefulle oppdraget me har, nemleg å bidra til læring og utvikling - både fagleg og sosialt – hjå ungdom. Når elevane går ut herifrå, er dei klare til å entre høgare utdanning eller yrkeslivet gjennom læreplass.
Og læreplass får dei aller fleste som vil ha av våre elevar. Me er nemleg blant dei beste skulane i landet på å få elevar ut i lære.
Kvifor velje oss?
Austrheim vgs er rett og slett ein veldig god skule som set eleven i sentrum, der ein lærer gjennom variert undervisning og får faglege utfordringar.
Skulen vår har høg trivselsfaktor og kjempegodt skulemiljø, der elevane engasjerer seg i sin skulekvardag. Viss du vil gå på ein oversikteleg skule der du blir kjend med elevar på kryss og tvers av klassane, og der du også opplever å bli sett av og godt kjend med lærarane, er Austrheim vgs staden for deg.
Mesteparten av elevane på Austrheim vgs kjem frå kommunane Alver, Austrheim, Gulen, Masfjorden, Solund og Fedje, men det er også nokre elevar som har litt lengre reiseveg. Fleire av dei bur i Austrheim vgs sitt nye hybelhus rett nedanfor skulen.
Skulebrosjyre 2024
Her finn du den siste skulebrosjyren til Austrheim vidaregåande skule, publisert november 2024.