Andre året (vg2)
Industriteknologi
Internasjonal industri har krav til høg teknisk standardisering, arbeidsprosedyrar og dokumentasjon. Programfaga i industriteknologi skal vera med på å utvikle fagkompetansen som tilfredsstiller desse krava.
Austrheim vgs har eit tett samarbeid med bedrifter i regionen. Du er utplassert i totalt seks veker i faget yrkesfagleg fordjuping (YFF). Bedrifter vi samarbeider med er WellConnection, Mongstad Industrier, Radøygruppen AS, Equinor, Veltec, Wergeland med fleire.
Elevane på Austrheim er med på konkurransar arrangerte av lokale bedrifter i samarbeid med Nordhordland Handverk og Industrilag. Fleire skular deltek og sjølve konkurransen vert gjennomført på ei bedrift. Elevane som vinn får flotte premiar!
Søk opptak via VigoLæreplan vg2 industriteknologi
Kjøretøy
Moderne kjøretøy krev dyktige fagfolk. Aukande trafikktettleik, krav til tryggleik, komfort og miljø stiller store krav til dei som skal vedlikehalde og reparere ulike kjøretøy.
Kjøretøyfaget skal leggje grunnlaget for yrkesutøving innan vedlikehald av kjøretøyet for transport og godstransport.
Hovudområdet er verkstadarbeid og omfattar mellom anna vedlikehald, feilsøking og val av reperasjonsmetodar på ulike kjøretøy, motorar og utstyr. Skulen har også ein spesialbygd elbil til undervisningsforemål.
Søk opptak via Vigo
Læreplan vg2 kjøretøy
Maritime fag
Ynskjer du å starte ein spanande maritim karriere på havet, anten i styrhuset eller maskina?
Då kan dette vere linja for deg!
Etter vg2 maritime fag kan du reise om bord i lære som skipsmotormekanikar eller matros på mange forskjellige typar fartøy som for eksempel; fraktebåt, ferje/cruisebåt, offshorefartøy, brønnbåt, slepebåt eller tankbåt
Kanskje du ser for deg ein karriere i Kystvakta? Forsvaret rekrutterer lærlingar som har gjennomført vg2 maritime fag, og skulen samarbeider med forsvaret når det gjeld utplassering av elevar i løpet av skuleåret!
Etter avlagt fagbrev kan du søkje studieplass ved teknisk fagskule maritim fagretning - fordjuping til dekkoffiser eller fordjuping til maskinoffiser.
Søk opptak via Vigo
